Të Pabesueshme por të Vërteta

Humbin ndeshjen e futbollit 54-1!


Autoritetet
gjermane të futbollit ua kanë ndaluar lojën e mëtutjeshme tërë ekipit,
i cili humbi hiç më pak se 54-1, në një derbi promocional.Të
gjithë lojtarët e ekipit të parë gjerman DJK Lowen janë suspenduar për
një vit, pasi janë akuzuar se me qëllim i kanë lënë rivalët e tyre,
Rheinkassell-Langel II, të fitojnë për të marrë promocionin.

Por Lowen së paku ka fituar një titull, pasi që autoritet e futbollit Cologne e kanë pranuar rezultatin.

"Ata kanë vendosur që Rheinkassell nuk ishte involvuar drejtpërdrejt në
mashtrim, prandaj do të mbajnë pikët, dhe Lowen ka arritur që tani të
jetë zyrtarisht ekipi më i dobët ndonjëherë në ligën e futbollit
gjerman”, ka thënë një adhurues.

Marr nga telegrafi.com

Në binarë të gabuar...


Një njeri i sëmurë nga
depresioni ka tentuar t’i jap fund të gjithave duke u shkelur nga një
tren në Itali – por, për fat, ishte shtrirë në binarët e gabuar.Martin
Rapos, 31-vjeçar, u shtri në binarët e qytetit Deiva Marina duke pritur
trenin ekspres i cili udhëton për Gjenova që ta godasatë me shpejtësi
më të madhe se 170 kilometra në orë.

Në vend të kësaj ai pa trenin duke kaluar pranë tij në binarë tjerë.

Vozitësi i trenit e vërejti sllovakun Rapos dhe thirri policinë të cilët e dërguan në spital ku po trajtohet nga depresioni.

Një zëdhënës i policisë ka thënë: "Ai e kishte planifikuar vetëvrasjen
me shumë kujdes dhe e dinte saktësisht kur do të vinte treni – por i
kishte ngatërruar binarët". Marr nga telegrafi.com

Vjedh makinën e gabuar


Një hajn polak e ka
futur veten në telashe të mëdha kur ka tentuar të vjedh makinën e një
pensionisti, dhe pronari i doli të jetë një karateist me shirit të zi.Wojciech
Chomicki, 71-vjeçar, e ka hetuar atë duke tentuar të ikë me makinën e
tij, vrapoi jashtë duke thyer bravën e derës, nxori hajnin 41-vjeçar
nga ulësja e vozitësit dhe e shtriu përtokë duke e mbajtur për fyti
derisa një mik i tij thirri policinë.

Një zëdhënës i policisë të qytetit Plock, në veri të Polonisë, ka
thënë: "Ai pa një njeri duke u futur në makinën e tij nga dritarja e
kuzhinës, vrapoi jashtë dhe e shtriu atë përtokë me shpejtësi si
vetëtima.

"Kur policët arritën atje hajni dukej i kënaqur pasi që u lirua nga
duart e plakut karateist. Hajni e kishte gjetur makinën e gabuar për ta
vjedhur", ka thënë zëdhënësi.

Chomicki ka qenë një mësues i kualifikuar në stilin Shotokan të
karatesë për më shumë se 30 vjet dhe e ka studiuar atë për më shumë se
50.

Ai më vonë e luti policinë t’i kërkoi falje hajnit për përdorimin e
teknikave potencialisht të rrezikshme për vdekje në të.

"Ky hajn duhet ta konsideroj veten me fat se nuk ka përfunduar keq nga
ndonjëra prej goditjeve të tij, ai është i fuqishëm si mushkë", ka
thënë një burim policie.Marr nga telegrafi.com

Gruaja pastron rrugët 84 vjet radhazi


Një gjyshe 104-vjeçare ka pastruar rrugët në qytetin e saj në Kinë për 84 vjet rresht – pa pagesë. Ding Youzhen, nga qyteti Anfeng, pastron rrugët afër shtëpisë së saj për çdo ditë, raporton e përditshmja kineze People's Daily.
Ajo thotë se i është bërë ves në të njëzetat e saj kur ajo dhe burri i saj ishin pronarë të një çajtore.

"Ne pastronim rrugët nga porti deri tek çajtorja jonë përditë”, ka thënë ajo.

Edhe pse çajtorja është mbyllur shumë vite më parë, Ding ka thënë se ajo kurrë se ka larguar vesin e pastrimit të rrugëve. Ajo ka fituar disa çmime për punën e saj në të mirë të
komuniteti dhe është bërë një lloj personi i famshëm lokal. Marr nga telegrafi.com

Policia intervenon gjatë incizimit të videoklipit


Një njësit i armatosur i forcave speciale gjermane të cilët intervenuan
shpejt në një përplasje me armë në mes të shpërndarësve të drogës
kuptuan se në fakt bëhej fjalë për një grup të muzikës rep të cilët po
incizonin një videoklip. Banorët e brengosur në qytetin
Dortmund të Gjermanisë, thirrën policinë kur menduan se kishin parë një
përleshje në mes të shpërndarësve të kokainës jashtë shtëpive të tyre.

Por policët e përgatitur për sulm gjetën nëntë burra në mes moshave 22
e 36 me revole të simuluara. ‘Kokaina’ ishte sheqer dhe miell në qeset
transparente të plastikës.

Një zëdhënës i policisë ka thënë: "Ata me të vërtetë dukeshin si
gangsterë të gatshëm për një përleshje deri në vdekje".
Marr nga telegrafi.com

Katërvjeçari në rehabilitim për shkak të varësisë ndaj duhanit


Një djalosh katërvjeçar ndodhet në rehabilitim në Tajvan pasi ka krijuar varësi ndaj pirjes së cigareve të babait të tij.Babai, nga qytetit Gaoxiong, ka filluar të dërgojë djemtë e tij, të
moshave nëntë e katër, në një qendër rehabilitimi, pasi që i ka zënë duke i vjedhur cigaret e tij.


"Përgjigjja ishte ajo ishte që e pritja, por më e vështira për ta pranuar", ka thënë ai për gazetën kineze China Times.

Djemtë pranuan vjedhjen dhe kanë thënë se e kanë bërë atë sepse mendonin që babai i tyre dukej “cool’ kur pinte duhan.

Katërvjeçari pranoi se ai shtynte vëllain e tij për të huazuar cigare
nga shokët e tij të klasës kur nuk arrinin të vidhnin ndonjë nga babai
i tyre.

Babai ka filluar t’i dërgojë djemtë e tij në një qendër rehabilituese
për t’i shëruar nga varësia ndaj nikotinës. Megjithatë, Qendra e ka
kritikuar atë për dështim për t’u trajtuar së bashku me fëmijët.

Doktoresha Xue Guangjie ka thënë se babai ka ardhur vetëm në dy seanca
dhe ka shtuar: "Mënyra më e mirë për të larguar një ves të fëmijës
është tu paraqesësh atyre një shembull të mirë".
Marr nga telegrafi.com

Porosit vrasjen e babait, për t’ia zënë vendin e tij të punës!


Një burrë nga India, i frustruar nga dështimet e njëpasnjëshme për të
gjetur një vend pune, ka porositur vrasjen e babait të tij për t’ia
marrë atij postin qeveritar, një ditë para se viktima të pensionohej,
ka thënë policia të martën. Burri i arrestuar, nga një fshat
i varfër në shtetin lindor Bihar, kishte planifikuar të merrte postin e
babait të tij, nën pretendimin se ai kishte vdekur derisa ishte në
marrëdhënie pune, ka thënë polici lokal Naresh Singh.


Djali i kishte paguar një të afërmi shumën prej 2.500 dollarësh për ta
kryer krimin, i cili ndodhi gjatë vikendit, por u raportua të martën.

"Ai na ka thënë se do të kishte një punë qeveritare me prapavijë të
dhimbshme po që se vrasja do të mbetej një mister", ka thënë Singh.

Viktima kishte punuar si një i punësuar i rangut të ulët në një zyre lokale qeveritare.
Marr nga telegrafi.com

Në Amerikë u bëjnë tatuazh edhe dhëmbëve


Një
laborator stomatologjik-artistik i quajtur “Heward Dental Lab”, në
shtetin amerikan Utah, që 30 vite ofron shërbime për tatuazhe të
dhëmbëve.Teknikët e kësaj ordinance së pari kanë kryer
trajnimin për artistë për të mësuar se si të pikturojnë kurorat, e më
pas kanë mësuar edhe si punohen kurorat. Tatuazhi zakonisht vendoset në
dhëmballë, e mund të gjendet edhe në pjesën e jashtme apo të brendshme
të dhëmbit.

Në rast se pacienti bëhet pishman, tatuazhi mund të largohet për pesë
minuta me gërryerje të thjeshtë me ndihmën e një rrotëze të gomës.
Në dhëmbë mund të pikturohet çdo gjë që dëshirojnë klientët, nga Mickey
Mouse dhe kafshë të ndryshme, deri tek presidentët amerikanë, si dhe
yjet e muzikës pop si, Elvis Presly e Amy Winehouse.

Çmimet e pikturimit sillen prej 100 dollarë për tatuazhet e thjeshta deri në 500 dollarë për ato pak më të komplikuara.
Marr nga telegrafi.com

Këndon me ujqërit


Një kopsht zoologjik në Kinë
është duke krijuar një trupë të ujqërve, ndërsa po planifikojnë t’i
mësojnë ujqërit edhe për të vallëzuar.Luo Yong, një i
punësuar në kopshtin zoologjik, Chongqing, ka thënë se ai i ka zbuluar
aftësitë e këndimit të ujqërve në mënyrë të rastësishme.

“Njëherë derisa isha duke luajtur me kitarë dhe këndoja këngën, 'I Am A
Wolf From The North', një ujk i vogël, të cilin e kam rritur vetë, mu
afrua dhe filloi të më shikonte. Pastaj filloi të ulërinte me ritëm,
dhe madje i preku telat me kthetrën e tij”, ka shpjeguar ai.

Luo ka thënë se që nga ai moment i është përkushtuar trajnimit të një
grupi ujqish, dhe tani 30 prej tyre mund të “këndojnë” bashkë me të me
ritëm.

“Plani im i ardhshëm është të gjej dikë ta shkruajë ndonjë këngë vetëm
për ato, dhe po ashtu të gjej njerëz të cilët do t’i mësonin të
vallëzojnë”, ka shtuar Luo me optimizëm.
marr nga telegrafi.com